Komento sa pamimigay ng DOH ng libreng condom sa mga mag-aaral ng Senior High School

May mabuti bang maidudulot ang pamimigay ng condom sa mga senior high school?

Sa isyu ng pamimigay ng Department of Health o DOH ng libreng condom, samut-saring reaksyon at komento ang naisiwalat. Para sa mga Pilipino, lumalabas na pabor o sumasang-ayon ang DOH sa tinatawag na pre-marital sex o ang pakikipagtalik ng walang basbas ng sakramento ng kasal. Ito ay isang imoral na aksyon para sa lipunan. Dahil dito, nahihikayat ang mga kabataan na gumamit ng condom at iba pang contraseptives sa pakikipagtalik. Maaaring ang hangarin ng DOH ay maiwasan ang pagdami ng populasyon sa ating bansa at upang maiwasan ang bilang ng mga Pilipinong nagkakaroon ng Human Immuno-Deficiency Virus o HIV, ngunit hindi pa rin sapat na batayan ito upang mamigay sila ng mga condom sa mga mag-aaral. Bilang isang estudyante, mas makabubuti pang magkaroon na lamang ng subject na Sex Education upang mamulat at magkaroon ng sapat na kaalaman ang mga kabataan patungkol sa usaping sekswal.